بەڕێوەبەرایەتی گشتیی كارەبای سلێمانی نرخی كاره‌بای مۆلیده ئه‌هلییه‌كانی بۆ مانگی ڕابردوو دیاری كرد.
ئه‌مڕۆ هه‌ینی، بەرێوەبەرایەتی گشتی كارەبای سلێمانی له ڕاگه‌یاندراوێكدا بڵاوی كرده‌وه كه نرخی ئەمپێرێک کارەبای مۆلیدە ئەهیلییەکان بۆ مانگی تشرینی یەکەم/ ئۆكتۆبه‌ر، لە نێوان هه‌زار بۆ هه‌زار و 500 دینار دەبێت.
لەڕاگەیاندراوەکەی بەڕێوەبەرایەتی گشتی کارەبای سلێمانیدا هاتووە، پێویستە خاوەن مۆلیدەکان 24 سەعات ئامادە بن و هەرکاتێک کارەبای نیشتیمانی بڕا ئەوا دەبێت کارەبا دابین بکەن.
هه‌روه‌ها ئاماژه‌ش به‌وه كراوه: پێویستە هەموو خاوەن موەلیدەیەك پسوڵەی نرخی مانگانەی ئەمپێری كارەباكە لەوەرشەی ناوەندی سلێمانی سەربە بەڕێوەبەرایەتی گشتی كارەبای سلێمانی دەردەچێت لای موەلیدەكەی هەڵبواسێت بۆئەوەی هاوڵاتیان بزانن پارەی موەلیدەی گەڕەگەكەیان بەفەرمی چەندە، بەپێچەوانەوە بە 100 هەزار دینار غەرامە دەكرێن”.
Kurdish