سندوقی دراوی نێوده‌وڵه‌تی ڕایده‌گه‌یه‌نێت: كۆی قه‌رزه‌كانی جیهان، گه‌یشتۆته 152 تریلیۆن دۆلار، به‌ڕێوه‌به‌ره‌كه‌شی داوا ده‌كات، وڵاتان قه‌رزی زیاتر بكه‌ن.
سندوقی دراوی نێوده‌وڵه‌تی له ڕاپۆرتێكدا ڕایگه‌یاند: كۆی قه‌رزی كه‌ڵه‌كه‌بوی جیهان، گه‌یشتوه‌ته 152 تریلیۆن دۆلار به‌وه‌ش قه‌رزی هه‌ردوو كه‌رتی گشتی و تایبه‌تی، گه‌یشتوه‌ته 225% به‌رهه‌می ئابووری جیهانی له ساڵی 2015، ڕاپۆرته‌كه ڕاشیگه‌یاندوه: له ساڵی 2002 دا، كۆی قه‌رزی گشتی 200% به‌رهه‌می ئابووری بوه.
ئاماژه‌ی به‌وه‌ش كردووه: زۆربونی قه‌رزه تایبه‌ته‌كان به‌شێوه‌یه‌كی به‌رده‌وام، ده‌بێته هۆی دروستبوونی گرفتی دارایی.
لای خۆیه‌وه كریستین لاگارد به‌رێوه‌به‌ری سندوقه‌كه، رایگه‌یاند پێویسته ئه‌و وڵاتانه‌ی توانای قه‌رزكردن و خه‌رجی زیاتریان هه‌یه ئه‌و كاره بكه‌ن ئه‌وه‌ش له پێناوی به‌هێزكردنی گه‌شه كه له ئێستادا لاوازی به‌خۆیه‌وه ده‌بینێت.
Kurdish