سیستمی ئه‌لیكترۆنی بۆ دابه‌شكردنی مووچه‌ی فه‌رمانبه‌ران له ساڵی داهاتوودا ده‌خرێته بواری جێبه‌جێكردنه‌وه‌و له قۆناغی یه‌كه‌میشدا؛ له موچه‌ی مامۆستایانه‌وه ده‌ستپێده‌كات.
د. عیزه‌ت سابیر؛ سه‌رۆكی لیژنه‌ی دارایی له په‌رله‌مانی كوردستان، رایگه‌یاند:”له سه‌ره‌تای ساڵی داهاتوه‌وه، سیستمی ئه‌لیكترۆنی بۆ دابه‌شكردنی موچه‌ی فه‌رمانبه‌ران ده‌خرێته بواری جێبه‌جێكردنه‌وه”، روونیشیكرده‌وه:”قۆناغی یه‌كه‌م له موچه‌ی مامۆستایانه‌وه ده‌ستپێده‌كات و دواتر سه‌رجه‌م فه‌رمانبه‌ران و خانه‌نشینان ده‌گرێته‌وه”.
به وته‌ی سه‌رۆكی لیژنه‌ی دارایی له په‌رله‌مانی كوردستان؛ له‌ئێستادا ده‌ست به ئاماده‌كارییه‌كان بۆ به ئه‌لیكترۆنیكردنی سیستمی موچه‌ی فه‌رمانبه‌ران كراوه‌و له كۆتایی ئه‌مساڵ ئاماده‌كارییه‌كان كۆتاییان دێت، ئاماژه‌ی به‌وه‌شدا:”هه‌موو فه‌رمانبه‌رێك كارتێكی پێده‌درێت، كه له رێگه‌ی ئه‌و كارته‌وه ده‌توانێت موچه وه‌ربگرێت”.
هاوكات په‌رله‌مانتار عیزه‌ت سابیر؛ ئاشكراشیكرد:”به ئه‌لیكترۆنیكردنی سیستمی مووچه، ده‌بێته یه‌كێك له رێگه‌چاره‌كان بۆ كۆتاییهێنان به دوو موچه‌یی و فه‌رمانبه‌ری بندیوار.
هه‌واڵ نیوز
Kurdish