له‌سه‌ر لوتكه‌ی چیای ئاگری، كه به‌رزترین چیای توركیا و ئه‌ورووپایه و به‌رزییه‌كه‌ی پێنج هه‌زار و 137 مه‌تره، یه‌كه‌م به‌فری ئه‌مساڵ باری.
ئاژانسه‌كانی هه‌واڵ له توركیا دیمه‌نی یه‌كه‌م به‌فربارینی ئه‌مساڵیان له لوتكه‌ی چیای ئاگری، كه به‌رزترین چیای توركیا و ئه‌ورووپایه بلاَوكرده‌وه.
هاوكات له ناوچه به‌رزه‌كانی ئیغدر و ئاگری، له دوێنێوه به‌هۆی به‌فربارینه‌وه كه‌شوهه‌وایه‌كی سارد هه‌ڵیكردووه.
لوتكه‌ی چیای ئاگری له توركیا كه ده‌كه‌وێته نزیك سنووری ئێران و به‌رزییه‌كه‌ی پێنج هه‌زار و 137 مه‌تره، به‌هۆی بارینی به‌فره‌وه ره‌نگی سپی پۆشیوه، به‌مه‌ش له‌گه‌ڵ ره‌نگی سه‌وزی ده‌شت و ره‌نگی شینی ئاسمان دیمه‌نێكی قه‌شه‌نگی به ناوچه‌كه به‌خشیوه.
Kurdish