كۆمپانیای نه‌وتی كیستۆن بترۆلیم كه له‌هه‌رێمی كوردستان كارده‌كات ڕایگه‌یاند به‌هۆی وه‌رنه‌گرتنی شایسته دارایه‌كانی، وه‌به‌رهێنان له‌كوردستان ڕاده‌گرێت.
كۆمپانیاكه شایسته دارایه‌كانی هه‌ردوو مانگی ته‌موزو ئابی وه‌رنه‌گرتووه، ئه‌مه‌ش یه‌كه‌م جاره له‌ماوه‌ی ساڵێكدا حكومه‌تی هه‌رێم مافه‌كانی كۆمپانیای ناوبراو دواده‌خات، له‌وباره‌وه جۆن فیرێر سه‌رۆكی كۆمپانیاكه نیگه‌رانی خۆی ده‌رده‌بڕێت و ده‌ڵێت هۆكاری كێشه‌كه نازانین.
كیستۆن بترۆلیم كه تائێستا ڕۆژانه 33 هه‌زار به‌رمیل نه‌وتی له‌بیره نه‌وتی شێخان به‌رهه‌م هێناوه، به‌نیازه به‌رهه‌می ڕۆژانه‌ی بۆ 55 هه‌زار به‌رمیل به‌رزبكاته‌وه.
كۆمپانیاكه دوێنێ زیانه‌كانی به 60 ملیۆن دۆلار ڕاگه‌یاند ئه‌مه‌ش به‌به‌راورد به‌ساڵی ڕابردوو كه‌میكردووه به‌وپێیه‌ی زیانه‌كانی له ساڵی ڕابردوودا نزیكه‌ی 80 ملیۆن دۆلار بووه.
Kurdish