نرخی نەوت لەبەرزبونەوە بەردەوامە

نرخی نەوت بەرێژەی 1% بەرزبووەوە ئەوەش دوای ئەوەی بۆ سێیەم جار ئاستی كۆكاگردنی‌ لە ئەمەریکا پاشەکشەی کردو لەنەرویجیش کرێکارانی نەوت مانیان گرت.



ئەمڕۆ نرخی نەوتی خاوی رۆژئاوای تەکساس (لەکاتژمێر 05:01 خولەکی بەیانی بەکاتی هەولێر) بۆ هەر بەرمیلێک بە 45.81 دۆلاری ئەمەریکی فرۆشرا ئەوەش 47 سەنت بەرزترە لەنرخی پێشووتری‌و بەڕێژەی 1% بەرزبوەتەوە. ئەوەش بەپێیرۆیتەرز.



بەرزبونەوەی ئەو نرخە دوای ئەوە دێت کە بەڕێوەبەرایەتی زانیاری وزەی ئەمەریکی لەراپۆرتێکیدا ئاشکرای کرد  کە 6.2 ملیۆن بەرمیل لەکۆگاکانی نەوتی خاوی ئەمەریکا دابەزیوە لەهەفتەی رابردوداو گەیشتوەتە 504.6 ملیۆن بەرمیل. ئەوەش نزمترین ئاستە لەمانگی شوباتی ئەمساڵەوە.



هەروەها نرخی نەوتی خاوی برنتی جیهانیش بەهەمان شێوە بەرزبویەوەو 48 سەنت چووە سەر نرخەکەی پێشووی‌و لەبازاڕەکاندا بە 47.31 دۆلاری ئەمەریکی بۆ هەر بەرمیلێک فرۆشرا.



بەرزبونەوەی نەوتی برنتیش دوای مانگرتنی کرێکارانی نەوتی نەرویج دێت کە هەڕەشەیە بۆ سەر وەستانی بەرهەمهێنانی نەوتی خاو لە دەریای باکور.