دوابەدوای قسەکانی وەزیری ئابوریی کۆماری ئیسلامی، مەسعود خانساری بە هەواڵدەریی مێهری ڕاگەیاند کە دۆخی ئابوریی ئێران شپرزە.
هەواڵدەریی ئیسنا لە زاری عەلی تەیێب نیاوە ( وەزری ئابووری ئێران ) بڵاوی کردەوە چوونەدەری ئێران لە قەیران و گەڕانەوەی ئارامی و سەقامگیری بۆ ئابوریی وڵات گرینگترین دەسکەوتی دەوڵەت لە ٣ ساڵی ڕابردوودا بووە و هەنووکە ئێمە ٣٠% لە بەستراوەیی بە نەوت دوور کەوتووینەتەوە.
ناوبراو هەروەها تەئکیدی کردەوە کە ڕەوشی ئابوریی ئێران زۆر باشە و لە داهاتووشدا باشتر دەبێ و لە قسەکانیدا ئاماژەی بەوەدا کە پلەی ئێران لە کار و پیشە لە سەرەتای دەوڵەتی ڕوحانی ١٥٢ بوو بەڵام ئێستا بووەتە ١١٨ لە ئاستی جیهاندا.
ئەم لێدوانانە لە کاتێکدان کە سەرۆکی ژووری بازرگانی و سەنعەت و کانزاکانی تاران بە نیگەرانییەوە باسی لە ڕەوشی ئابوریی ئێران کردو بە هەواڵدەریی مێهری گووتووە: من سەبارەت بە گەشەی ئابوریی و بەردەوام بوون لەم گەشەکردنە بەگومانم و شکم هەیە.
ناوبراو وتوویەتی سەنعەتی ئێمە تووشی داتەپین هاتووە و گووشارێکی بێوێنە لەسەر یەکە بەرهەمهێنەرەکانمان هەیە بۆیە نابێ زۆریش گەشبینانە لە داهاتوو بڕوانین.
Kurdish