سەرۆك و ئەندامانی ژوری بازرگانی و پیشەسازی سلێمانی سەردانی مەكتەبی سیاسی پارتی دیموكراتی كوردستانیان كرد و لەلایەن بەرپرسانی ئەو حزبەوە بەگەرمی پێشوازیكران.
ئەمڕۆ یەكشەممە لەشاری سلێمانی سەرۆكی ژوری بازرگانی و پیشەسازی سلێمانی سیروان محەمد و ژمارەیەك لە ئەندامانی ژور سەردانی مەكتەبی سیاسیان لە شاری سلێمانی كردو لەگەڵ عیزەدین بەرواری بەرپرسی مەكتەبی سیاسی پارتی دیموكراتی كوردستان و ژمارەیەك لە ئەندامانی مەكتەبی سیاسی لە سلێمانی كۆبونەوە.
لەكۆبونەوەكەدا پیرۆزبای لە عیزەدین بەرواری كرا بەبۆنەی وەرگرتنی پۆستی بەرپرسیاریەتی لە شاری سلێمانی و داواكرا بتواندرێت هاوكاری بازرگانان بكرێت بۆ بەرەو پێشچونی بازرگانی لەسەرجەم شارەكانی كوردستاندا.
Kurdish