وەزارەتی كشتوكاڵی ئەمریكا رایگەیاند: روسیا یەكەمین وڵاتی هەناردەكاری گەنمە لە جیهانداو پێشبینیش دەكات بۆ ئەمساڵ 30 ملیۆن تۆن گەنم هەناردەی دەرەوە بكات.
وەزارەتی كشتوكاڵی ئەمریكا لە بەیاننامەیەكدا ئاشكرایكردوە: ئەمساڵ روسیا لەڕیزبەندی یەكەمی ئەو وڵاتانەدایە كە گەنم هەناردەی بازاڕەكانی جیهان دەكەن، پێشبینیش دەكات ئەمساڵ روسیا 4 ملیۆن و 500 هەزا تۆن گەنم زیاتر هەناردەی دەرەوە بكات‌و بەكۆی گشتی ئاستی هەناردەكردنی گەنم لەمساڵدا بگەیەنێتە 30 ملیۆن تۆن، كە ئەوەش یەكەمجارە لەمێژوودا قەبارەی هەناردەكردنی گەنمی روسیا بگاتە ئەو ژمارەیە.
بەیاننامەكە ئەوەشی روونكردۆتەوە: كە ساڵی رابردوو هەناردەی گەنمی یەكێتی ئەوروپا 34 ملیۆن تۆن بووەو لە پلەی یەكەمدا بووە، بەڵام ئەمساڵ 27 ملیۆن تۆن بووەو بۆ پلەی دووەم دابەزیووە، هەروەها پێشبینیش دەكات ئەمساڵ هەناردەی گەنمی ئەمریكا بۆ 25 ملیۆن و 860 هەزار تۆن بەرزببێتەوە.
Kurdish