له ئاڵوگۆری بازارەكانی ئه‌مرۆدا نرخی نه‌وت به‌رزبوونه‌وه‌ی زیاتری تۆماركرد و یەك بەرمیل نەوتی خاوی برێنت گەیشتە سەرووی 48 دۆلار و نه‌وتی خاوی تیكساسیش 45دۆلاری تێپه‌راند.
لەسەرەتای ھەفتەی رابردووەوە تا ئەمڕۆش نرخی نەوت روو لەبەرزوونەوە دەكات و بەمەش لەماوەی پێنج ھەفتەی رابردوو بەرزترین ئاستی تۆماركردوەو نرخی یەك بەرمیل نەوتی خاوی جۆری پێوه‌ری برێنت گەیشتە 48 دۆلارو 10 سەنت ھەروەھا نەوتی تیكساسیش بە 45 دۆلارو 51 سەنت فرۆشرا.
به‌رزبوونه‌وه‌ی نرخی نه‌وت له‌كاتێكدایه وه‌زیرانی نەوتی وڵاتانی ئەندام لە رێكخراوی ئۆپێك رایانگه‌یاندوه، مانگی داهاتوو وڵاتانی هه‌نارده‌كاری نه‌وت له جه‌زائیر كۆده‌بنه‌وه به مه‌به‌ستی رێكخستنه‌وه‌ی بازاڕی نه‌وت و به‌رزكردنه‌وه‌ی نرخه‌كه‌ی.
Kurdish