بەهۆی كرداری دەرهێنانەوە ساڵانە بە بەهای 15 ملیار دۆلار غاز ی عیراق دەسوتێت و بەفیڕۆ دەڕوات.
(حامد زو بەعی) جێگری وەزیری نەوتی عیراق ئاشكرایكردوە: ساڵانە بەهۆی كرداری دەرهێنانی نەوتەوە لەكێلگەكانی ناوەڕاست و باشووری وڵات، نزیكەی 12 ملیار مەتر سێجا غازی سروشتی دەسوتێت و بەفێڕۆ دەچێت، بۆ ئەو مەبەستەش حكومەت پلانێكی ستراتیژی داناوە و بڕیارە تاكۆتایی ساڵی 2018 ئەو دیاردەیە كۆتاییی پێ بهێنێت.
جێگری وەزیری نەوتی عیراق ڕونیكردەوە: لەو بڕە غازی كە وڵاتەكەی دەری دەهێنێت تەنها سود لەسەدا 50ی وەردەگیرێت و ئەو بەشەی تری دەسوتێت و بەفیڕۆ دەڕوات، ئاماژەی بەوەشكردوە كە بەهای ئەو بڕەش كە دەسوتێت بە 15 ملیار دۆلار دەخەمڵێنرێت.
Kurdish