دوای ئه‌نجامی ڕاپرسییه‌كه‌ی به‌ریتانیا، نرخی پاوه‌ند له‌به‌رامبه‌ر دۆلاردا له‌ماوه‌ی 31 ساڵی ڕابردوودا، نزمترین ئاستی تۆمار كرد، نه‌وتیش به‌رێژه‌ی له‌سه‌دا شه‌ش دابه‌زی.
دوای ئه‌وه‌ی به‌ریتانیا له‌ڕێگه‌ی ڕاپرسییه‌كه‌وه، بڕیاری جیابوونه‌وه‌ی له یه‌كێتیی ئه‌وروپا دا، ئه‌وه‌ش ڕاسته‌وخۆ كاریگه‌ریی كرده سه‌ر بازاڕه‌كانی جیهان، به‌جۆرێك به‌های دراوی به‌ریتانی له‌به‌رامبه‌ر دۆلاردا به‌ڕێژه‌ی له‌سه‌دا 10 دابه‌زی و له‌ماوه‌ی 31 ساڵی ڕابردوودا نزمترین ئاستی تۆمار كرد و یه‌ك پاوه‌ند بوو به 1 دۆلار پۆینت 32 سه‌نت.
هاوكات، به‌پێی ئاماژه‌كانی بۆرسه‌ی جیهانی، نرخی نه‌وتی برێنت به‌رێژه‌ی له‌سه‌دا 6 دابه‌زیوه و نرخه‌كه‌ی بۆ یه‌ك به‌رمیل گه‌یشتوه‌ته 47 دۆلار پۆینت 84 سه‌نت.
Kurdish