جارێكی دیكه نرخی نه‌وت به‌رزبوونه‌وه‌ی به‌خۆیه‌وه بینی به كاریگه‌ری كه‌مبوونه‌وه‌ی مه‌ترسییه‌كانی ده‌رچوونی به‌ریتانیا له یه‌كێتی ئه‌وروپاو، نرخی هه‌ر به‌رمیلێك نه‌وت گه‌یشته‌وه سه‌رووی 50 دۆلار ئه‌مه‌ریكی.
له ئاڵوگۆره‌كانی ئه‌مرۆی بازاڕه‌كانی كڕین و فرۆشتنی نه‌وتدا جارێكی دیكه نرخی نه‌وت به‌رزبویه‌وه و هه‌ر به‌رمیلێك نه‌وتی خاوی جۆری برێنت به 50 دۆلاره و 22 سه‌نته‌وه مامه‌ڵه‌ی پێوه كراو هه‌ربه‌رمیلێك نه‌وت خاوی ئه‌مه‌ریكیش گه‌یشته‌وه 48 دۆلارو 88 سه‌نت.
به‌رزبوونه‌وه‌ی نرخی نه‌وت هاوكاته له‌گه‌ڵ دابه‌زینێكی كه‌می به‌های دۆلارو كه‌مبوونه‌وه‌ی مه‌ترسییه‌كانی ده‌رچوونی به‌ریتانیا له یه‌كێتی ئه‌وروپا.
Kurdish