وەزارەتی نەوتی عێراق جەخت دەکاتەوە لەسەر ھەناردەکردنی ٢٠ ھەزار مەتر سێجا لەغازی سروشتی لاوەکی کێڵگەکانی باشوور بۆ دەرەوەی وڵات.
بەپێی راگەیەندراوێکی وەزارەتی نەوتی عێراق ، بە ھەناردەکردنی ئەم بڕە غازە لە مانگی ئازارەوە عێراق سێھەمین بڕە غازی سروشتی لاوەکی ھەناردەی دەرەوە کردووە لە کاتێکدا کە لە ساڵانی پێشوودا بەغداد غازی ھاوردە دەکرد.پێشتر عێراق مانگانە بەبەھای ٥٠٠ ملیۆن دۆلار غازی سروشتی لاوەکی دەسوتاند ، بەڵام لەساڵی ٢٠١٢ ەوە گرێبەستێکی لەگەڵ ھەردوو کۆمپانیای شیڵ و میتسیۆیۆشی مۆرکردبوو بۆ سوود وەرگرتن لەو غازەی کە لە کاتی بەرھەم ھێنانی نەوت خاودا بە فیڕۆ دەچوو .
لەبنەرەتدا عێراق سوود لە غازی سروشتی لاوەکی دەبینێت بۆ کارپێکردنی وێستگەکانی بەرھەم ھێنانی کارەباو پێداویستی ماڵاندا ، بەڵام لەمانگی ئازارەوە دەستی کردووە بە ھەناردەکدرنی غازی زیادە بۆ بازارەکانی جیھان .
Kurdish