نرخی نەوت لە دوا مامەڵەکانی رۆژی ھەینی بەھاکەی دابەزی، بەھۆی بەرزبوونەوەی بەھای دۆلار و بەردەوامی نیگەرانییەکان لەسەر زیادبوونی خستنەڕووی نەوت لە بازاڕەکانی جیھان.
رۆژی ھەینی ٢٠-٥-٢٠١٦ بەھای دۆلار لە بازاڕەکانی جیھان بەرابەر بە دراوە سەرەکییەکانی دیکە بەرێژەیەکی بەرچاو بەرزبووەوە و بەرزترین ئاستی لە ماوەی ٣ ھەفتەی رابردوو تۆمارکرد.
بەرزبوونەوەی نرخی دۆلار بەھای نەوتی لە نزیکبوونەوەی لە نرخی ٥٠ دۆلار دورخستەوە و لە کۆتا مامەڵەکانی ھەفتەدا لە ئاستەکانی ٤٨ دۆلار جێگیربوو.
سەرلەبەیانی رۆژی شەممە ٢١-٥-٢٠١٦ نرخی بەرمیلێک نەوتی برێنت ٤٨ دۆلار و ٧٤ سەنت بووە و ھەروەھا نرخی یەک بەرمیل لە نەوتی خاوی تێکساس بەرابەرە بە ٤٧ دۆلار و ٧٥ سەنت.
Kurdish