بریكاری وەزارەتی داراییی حكوومەتی عێراق ڕایگەیاند، ٢٥٠ ملیار دیناری دیكەی جووتیاران خەرج كراوە و، ٤٠%ـی ئەو پارەیەیش بۆ جووتیارانی هەرێمی كوردستان دەبێت.
فازڵ نەبی بریكاری وەزارەتی داراییی حكومەتی عێراق وتی : وەزارەتی دارایی٢٥٠ملیار دیناری دیكەی جووتیارانی خەرج كردووە و رەوانەی وەزارەتی بازرگانی كراوە، هەر كاتێكیش رێكارەكانی خۆیان تەواو كرد، دەست بە دابەشكدرنی دەكرێت.
نەبی وتیشی: ٤٠%ـی ئەو پارەیە بۆ جووتیارانی هەرێمی كوردستانە، كە دەكاتە ١٠٠ملیار دینار و، وەزارەتی بازرگانییش بەڵێنی داوە ئەو بڕەپارەیە بداتە هەرێمی كوردستان.
Kurdish