وەزارەتی سامانە سروشتییەكانی هەرێم لەڕاگەیاندراوێكدا رێژەی هەناردەی نەوتی هەرێمی كوردستان لەمانگی نیساندا بڵاوكردەوە و بەپێی راگەیاندراوەكە لەمانگی رابردوودا 15 ملیۆن و 356 هەزار و 651 بەرمیل نەوت هەناردە كراوە كە دەكاتە 511 هەزار و 888 بەرمیل نەوت لەڕۆژێكدا.
بەپێی راگەیەندراوەكەی وەزارەتی سامانە سروشتییەكان ، حكومەتی هەرێم 376 ملیۆن و 395 هەزار و 901 دۆلاری وەرگرتووە كە 58 ملیۆن و 895 هەزار و 901 دۆلار دراوە بەو كۆمپانیایانەی نەوتەكەیان بەرهەم هێناوەو ئاماژەبەوەش كراوە لەماوەی مانگی رابردوودا بۆ ماوەی حەوت سەعات بۆری گواستنەوەی نەوتی هەرێم لەكاركەوتووە.
بڵاوكردنەوەی ئەو ئامارە لەكاتێكدایە ، حكومەتی هەرێم لەمانگی ئازاری رابردوودا بڕی 10 ملیۆن و 148 هەزار و 487 بەرمیل نەوتی هەناردەی دەرەوە كردبوو.
Kurdish