داتا و زانیاری و بەڵگەنامەی چەند كەسێك و لایەنێك كە ژمێرەیان لە بانكی نشتیمانی قەتەر (QNB)ی هەیە لە تۆڕی ئەنتەرنێت بڵاو دەبێتەوە و بانكەكەش بەهێرشێكی ئەلیكترۆنی ناوزەندی دەكات و لێكۆڵینەوەش بڵاوبوونەوەی بەڵگەنامەكان دەستپێدەكات .
میدیاكانی قەتەر بڵاویانكردەوە كە بانكی (QNB) قەتەر لێكۆڵینەوەی دەست پێكردوە لە دزەپێكردن و بڵاوبوونەوەی ناو و ناونیشان و پاسۆردی ژمارەیەك خەڵك لە تۆڕی ئەنتەرنێت، كە لەبانكەیان ژمێرەیان هەیە.
بەوتەی میدیاكان لە بانكی (QNB) زیاتر لە (1.4) گێگابات داتاو زانیاری و بەڵگەنامە دزەیان پێكراوەو بەتایبەتی ژمێرەی چەند رۆژنامەنوسێك كە لە كەناڵی جەزیرە كار دەكەن، لەگەڵا وردەكاری ئاڵوگۆڕی بانكی ژمارەیەك ئاژانسی هەواڵگری ناوخۆی و بیانی .
هاوكات بانكی نشتیمانی قەتەر لە بەیاننامەیەكدا ئاشكرایكردوە كە دزەپێكردنی ئەو بەڵگەنامانە كاریگەری نابێت لەسەر مامەڵەی دارایی ئەو كەس و لایەنانە و لێكۆڵینەوەش لە بابەتەكە دەكات.
Kurdish