جموجۆڵی بازرگانی لەمەرزی نێودەوڵەتی باشماخ راگیرا

بەهۆی خەرجنەکردنی دەرماڵەی هاندان و تایبەت، کارمەندانی راپەڕاندنی کاروباری بازرگانی لە مەرزی نێودەوڵەتی باشماخ مانگرتنیان راگەیاندو بەو هۆیەوە جموجوڵی بازرگانی راگیرا.


ئەزوەر مەحمود، سەرپەرشتیاری مەرزی نێودەوڵەتی باشماخ، لە کۆنگرەیەکی رۆژنامەوانیدا ٧ خاڵی خستەڕوو، ئاشکراشیکرد “بەهۆی خەرجنەکردنی دەرماڵەی هاندان و تایبەت بۆ کارمەندەکانمان، تا کاتژمێر ١ی ئەمڕۆ 2ی ئایاری 2016 مەرزەکە بەڕووی بازرگاناندا دادەخەین، بەڵام ئەگەر لەلایەن حکومەتەوە  وەڵام نەدرێینەوە ئەوا مەرزەکە بە یەکجاری دادەخەین.”



وتیشی “لەئێستادا جموجۆڵی بازرگانی لە مەرزەکە بۆ ماوەیەکی کاتی راگیراوە بەڵام هاتوچۆی گەشتیاران ئاساییە.”