نرخی نەوتی خاو لەبازارەکانی جیھان بەرێژەی ٣% زیادیکردوو گەیشتە بەرزترین ئاست لە ساڵی ٢٠١٦دا لەسەرووی ٤٧ دۆلار مامەڵەی پێوە کرا .
بەھۆی کەمبوونەوەی بەرھەمی نەوتی ئەمریکا و دابەزینی بەھای دۆلار ، نرخی یەک بەرمیل نەوتی خاوی برێنتی پێوانەیی دەریای باکووری ئەوروپا گەیشتە ٤٧ دۆلار و ٥ سەنت ، ھەروەھا نرخی یەک بەرمیل نەوتی خاوی سووکی تەکساسی ئەمریکاش گەیشتە ٤٤ دۆلارو ٨٤ سەنت .
بەرزبوونەوەی نرخی نەوتی خاو لە بازارەکانی جیھان ھاوکاتە لەگەڵ راگەیاندنی راپۆرتێکی پەیمانگای پترۆڵی ئەمریکا سەبارەت بەکەمبوونەوەی ئاستی نەوتی عەمبارکراو لەئەمریکا بەرێژەی ١ ملیۆن و ١٠٠ بەرمیل لە ھەفتەی رابردوودا لە کاتێکدا کە پێشبینی دەکرا ٢ ملیۆن و ٤٠٠ ھەزار بەرمیل زیادی بکردایە .
داشکانی بەھای دۆلاری ئەمریکا لە ماوەی چەند رۆژی رابردوودا بە رێژەی ٥% بەرامبەر بەدراوە جیھانییە سەرەکییەکانی دیکە ، ھۆکارێکی یاریدەدەربوو بۆ بەرزبوونەوی نرخی نەوتی خاو لە بازارەکانی جیھاندا .
Kurdish