وه‌زیری نه‌وتی ئێران رایگه‌یاند: هه‌نارده‌كردنی نه‌وت بۆ ملیۆنێك به‌رمیلی رۆژانه‌ی تێپه‌ڕاندوه.
ئه‌مڕۆ 3-4-2016، بیجان نمدار زنكنه وه‌زیری نه‌وتی ئێران به ئاژانسی شانای راگه‌یاندوه، له‌دوای هه‌ڵگرتنی سزا ئابورییه‌كان له‌سه‌ر ئێران له مانگی كانونی دووه‌می ئه‌مساڵه‌وه هه‌نارده‌كردنی نه‌وتی ئێران رۆژانه ملیۆنێك به‌رمیلی تێپه‌ڕاندوه.
زنكنه راشیگه‌یاند: له ئێستادا ئێران رۆژانه 1.75 ملیۆن به‌رمیل نه‌وت هه‌نارده‌ی بازاڕه‌كانی ده‌ره‌وه ده‌كات.
جێگای وه‌بیرهێنانه‌وه‌یه له مانگی كانونی دووه‌می رابردوه‌وه ئه‌مریكا و وڵاتانی ئه‌وروپا سزا ئابورییه سه‌پێنراوه‌كانیان له‌سه‌ر ئێران هه‌ڵگرت و له‌دوای هه‌ڵگرتنی سزا ئابورییه‌كانیش ئه‌و وڵاته هه‌نارده‌كردنی نه‌وتی بۆ بازاڕه‌كانی جیهان ده‌ستپێكرد.
Kurdish