وەزارەتی سامانە سروشتیەكان لە راپۆرتێكدا وردەكاری فرۆشتن و هەناردەكردنی نەوتی بۆ ئازاری 2016 ئاشكراكردوەو رایگەیاندوە لە مانگی ئازاردا حكومەتی هەرێم زیاتر لە (10) ملیۆن بەرمیل نەوتی هەناردەكردوە و زیاتر لە 557 ملیۆن داهاتی نەوتەكە بووه.
لەڕاپۆرتەكە كە ئەمرۆ لە بەشی ئینگلیزی ماڵپەری وەزارەتی سامانە سروشتیەكاندا بڵاوكراوەتەوە لەماوەی (20) رۆژی مانگی ئازاردا حكومەتی هەرێم بڕی (10) ملیۆن و (148) هەزار و (487) بەرمیل نەوت هەناردە كردوە.
لە راپۆرتەكەی وەزارەتی سامانە سروشتیەكەدا هاتووە كۆی داهاتی نەوت لە مانگی ئازاردا بریتیە لە (557.272.177) ملیۆن دۆلار و لەو بڕەش (36) ملیۆن دۆلار كرێی بەرهەمهێنانی نەوت بوە و (4.258.000) ملیۆن دۆلار بە دراوە كۆمپانیای (بیووتەری) نێودەوڵەی و حكومەتی هەرێمیش بڕی (517) ملیۆن دۆلاری بۆماوەتەوە.
بەگوێرەی راپۆرتەكە لە مانگی ئازاردا ماوەی (12 ) رۆژ لە ماوەی نێوان (1/3/2016 تا 10/3/2016) بەهۆكارێك لە دەرەوەی دەسەڵاتی حكومەتی هەرێم هەناردەی نەوت وەستاوەو لە (11)ی مانگ بەدواوە هەناردەی نەوت دەستپێكردۆتەوە و بەردەوام تا كۆتایی مانگی ئازار.
Kurdish