جەزائیر بەدوای سەرچاوەی دیکەی داهاتدا دەگەڕێت

لە کاتێکدا وڵاتی جەزائیر بۆ دابینکردنی داهات پشتی بە کەرتەکانی نەوت و گاز بەستووە، کۆمپانیا ئەلکترۆنییەکانی جەزائیر هەوڵدەدەن شوێنێک لە بازاڕی وڵاتانی دەرەوە بۆخۆیان دابینبکەن بۆ دەستکەوتنی داهات.

 

دابەزینی نرخی نەوت لە ماوەکانی رابردوودا کاریگەری کردووەتە سەر کەرتی بازرگانی و ئەو خزمەتگوزارییانەی حکومەت پێشکەشی دەکات، کە پشت بە داهاتی وڵات دەبەستن، بەڵام کۆمپانیاکان بەدوای رێگای دیکەی دەستکەوتنی داهاتدا دەگەڕێن .   



حکومەتی جەزائیر ئامادەیی خۆی نیشانداوە بۆ ئەوەی هاوکاری ئەو کۆمپانیایانە بکات کە دەیانەوێت بەرهەمەکانییان هەناردەی دەرەوە بکەن، چونکە قەیرانی ئابووری جەزائیر و ئەو وڵاتانەی پشت بە داهاتی نەوت دەبەستن، بووەتە هۆی ئەوەی بەدوای رێگایەکی دیکەدا بگەڕێن بۆ قەرەبووکردنەوەی ئەو کورتهێنانەی لە دابەزینی نرخی نەوتدا کاریگەری لەسەر دروستکردوون.