ڤیزای توركیا كارگەری كردۆتە سەر داهاتی فڕۆكە خانەی سلێمانی

دانانی مەرجی ڤیزا لە لایەن حكومەتی توركیاوە بەرامبەر هاوڵاتیانی هەرێم كاریگەری كردۆتە سەر داهاتی فڕۆكەخانەی سلێمانی.

تاهیر عەبدوڵا بەڕێوەبەری گشتی فڕۆكەخانەی نێودەوڵەتی سلیمانی رایگەیاند: دانانی مەرجی ڤیزا لە لایەن حكومەتی توركیاوە كاریگەری ڕاستەوخۆی كردۆتە سەر كەمبونەوەی ڕێژەی گەشتیاری لە نێوان هەرێم و توركیا و كەمبونەوەی داهاتی فڕۆكەخانەكە.

ووتیشی: مەرجی پێدانی ڤیزاش بە هەمانشێوە زیانی ماددی بە نوسینگە و كۆمپانیاكانی گەشتیاری لە هەرێمی كوردستان گەیاندووە.

فڕۆکەخانەی نێودەوڵەتی سلێمانی دەکەوێتە بەکرەجۆ بەدووری ١٥ کیلۆمەتر لە شاری سلێمانی ، فڕۆکەخانەکە لەساڵی ٢٠٠٣ بەردی بناغەی بۆ دانراو و لەساڵی ٢٠٠٥ بەتەواوی بەکار خرا .