وەفدی ژووری بازرگانی‌و پیشەسازی سلێمانی لە درێژەی سەردانەكانیدا بەیاوەری جێگری سەرۆكی ژووری بازرگانی و پیشەسازی ئەصفەهان سەردانێكی مەیدانیان بۆ 5 گەورە كارگەی ئەو شارە كرد لە بوارەكانی بەردی مەڕمەڕو گرانێت و پلاستیكدا.
دواتر لەگەڵ كۆمەڵەی بەرهەمهێنەرانی بەردی مەڕمەڕو گرانێت كۆبوونەوە هەردوولا لەسەرئەوە ڕێكەوتن كۆڕبەندێكی ئابووری بۆ بەردی مەڕمەڕو گرانێت لەشاری ئەصفەهان بەڕێوە بچێت و بازرگانانی شاری سلێمانی بانگهێشت بكرێن بۆ بەشداریكردن لەو كۆڕبەندە هاوبەشەدا بە مەبەستی زیاتر دروست كردن و بەرەوپێش بردنی پەیوەندییە بازرگانییە هاوبەشەكانی هەردوولا.
وابڕیارە ڕۆژی 11/1/2016 وەفدی ژووری بازرگانی سلێمانی سەردانی شاری كاشان بكەن و پرۆتۆكۆلی هاوبەش لەگەڵ ژووری بازرگانی و پیشەسازی ئەو شارەدا واژۆ بكەن.
Kurdish