دکتۆر ئاسۆ فه‌ره‌یدون پارێزگاری سلێمانی سه‌باره‌ت به‌ھه‌وڵه‌کانیان بۆ دابینکردنی سووته‌مه‌نی پێویست بۆ پارێزگه‌که له‌کۆنگره‌یه‌کی رۆژنامه‌وانیدا ڕایگه‌یاند: دابه‌شکردنی نه‌وت به پسوڵه‌ی ژماره 24 له‌سنوری پارێزگای سلێمانی ده‌ستیپێکردووه، ئه‌و شوێنانه‌ش که‌تائێستا نه‌وتیان بۆ نه‌چووه نه‌وته‌که‌یان بۆ ده‌نێرن.
پارێزگاری سلێمانی ڕایده‌گه‌یه‌نێت:”ھاوینی داھاتوو سلێمانی بێ ئاو ده‌بێت” و په‌یامێکیش ئاڕاسته‌ی سه‌رۆکایه‌تی حکومه‌ت ده‌کات.
وتیشی:”به‌به‌راورد له‌گه‌ڵ دوو ساڵی ڕابردوودا به‌رھه‌مھێنانی نه‌وت و به‌نزین بۆشاری سلێمانی به‌رێژه‌یه‌کی به‌رچاو که‌مبۆته‌وه، ته‌نھا به‌رێژه‌ی له(40%)بۆ سنوری شاره‌که ھێنراوه، به‌ڵام له‌گه‌ڵ ئه‌وه‌شدا توانیومانه نه‌وت به‌سه‌ر ئاسایش ھێزه‌کانی پێشمه‌رگه په‌روه‌رده و ئاواره‌کاندا دابه‌شبکه‌ین.”
دکتۆر ئاسۆ فه‌ره‌یدون باسیله‌وه‌شکرد، 228خێزانی که‌سوکاری شه‌ھیدان نه‌وتیان وه‌رگرتووه، له‌گه‌ڵ ئه‌وه‌شدا ھه‌ر بۆ ئه‌مساڵ بڕی به‌رمیلێک نه‌وت بۆ ئاواره‌کانی ناوچه کوردستانیه‌کانی ده‌ره‌وه‌ی ئیداره‌ی ھه‌رێم دابینده‌که‌ن و ھه‌وڵده‌ده‌ن به‌زووترین کات بۆیان بنێرن.
ده‌شڵێت:”ئه‌وکاره‌بایه‌ی ده‌گاته سلێمانی 700 مێگاوات کاره‌بایه، بۆیه من پێموایه ئه‌گه‌ر کێشه‌ی مووچه نه‌مان روخێنێت ئه‌وا کاره‌با ده‌مانروخێنێت، بۆیه ده‌بێت ئاو و کاره‌با بدرێته پارێزگاکان و له‌لایه‌ن که‌رتی تایبه‌ت به‌رێوه ببرێن، ئه‌گه‌رنا کێشه‌کان زیاترده‌بن”.
د.ئاسۆ فه‌ره‌یدون په‌یامێکی ئاڕاسته‌ی سه‌رۆکایه‌تی حکومه‌تی ھه‌رێم کرد، به‌وه‌ی باوازیان لێبێنن و خۆیان قه‌یرانی کاره‌باو ئاو چارسه‌ر بکه‌ن،”ئه‌گه‌ر حکومه‌ت له‌و بێخه‌مییه به‌رده‌وام بێت ئه‌وا بۆ ھاوینی داھاتوو قه‌یرای بێ ئاوی ڕوو له‌شاری سلێمانی ده‌کات و سلێمانی بێ ئاو ده‌بێت”.
ئه‌مه‌ش دوای ئه‌وه هات که پارێزگاری سلێمانی له‌گه‌ڵ به‌ڕێوه به‌ری به‌شێک له فه‌امانگه په‌یهوه‌ندی داره‌کان کۆبۆوه که سه‌رۆکی ژووری بازرگانی و پیشه‌سازی سلێمانیش تیایدا ئاماده‌بوو
Kurdish