کۆمپانیایه‌کی کوردی نوێترین جۆری مۆبایلی تایبه‌ت بە خۆی بڵاوکردەوە

پێشنیوەرۆی ئەمڕۆ کۆمپانیای ئەسێ کە کۆمپانیایەکی کوردییە نوێترین جۆری مۆبایلێکی هۆشمەندی تایبه‌ت به‌ خۆی خستەڕوو.

باوه‌ڕ جه‌مال به‌ڕێوه‌به‌ری ڕاگه‌یاندنی کۆمپانیای ئه‌سێ له‌شاری سلێمانی له‌کۆنگره‌یه‌کی ڕۆژنامه‌ونیدا ڕایگه‌یاند” وه‌ک کۆمپانیای ئه‌سێ بۆیه‌که‌مجاره‌ له‌سه‌ر ئاستی عێڕاق و کوردستان مۆبایلێکی هۆشمه‌ندی زیره‌ک که‌ توانای کێبڕکێی ته‌واوی مۆبایله‌ زیره‌که‌کانی هه‌یه‌ دروستبکات وه‌ به‌نرخێکی هه‌رزان که‌ له‌گه‌ڵ ئه‌م قه‌یرانی داراییه‌دا زۆر گونجاوه‌”

مۆبایله‌ کوردیەکه‌ لە جۆری ئەسێ Q5
ئەم ئامێرەى کۆمپانیای ئەسێ لە وڵاتی تایوان بۆردێکی تایبەتی بۆ دروستکراوەو شاشەیەکى کوالیتی بەرزی لەلایەن یابانەوە بۆ بەرهەم هێنراوە و ڕەچاوی بەرزی کوالیتی کامێراکەى لەلایەن کۆمپانیای سۆنییەوە کراوە، ئەم ئامێرە سەپۆرتی دوو سیمکارت دەکات و بە تایبەتمەندیی (4جی) کاردەکات و سیستەمی پلاتفۆرمی ئەندرۆید 5.1.0

پڕۆسێسەر: MTK 6735 و سایزی شاشەى: 5 ئینچ 1280 * 720 HD و کامێرا: سۆنی (دواوە 13 مێگا پێکسڵ – پێشەوە 5 مێگا پێکسڵ)وه‌ قەبارە: 6.4 ملم
ڕام: 1 گێگا بایت و میمۆری: ناوەکی 16 گێگا بایت (سەپۆرتی میمۆری دەرەکی دەکاتتا 64 گێگا بایت)
درێژی: 14 سم و پانی: 7 سم و لۆگۆن: فینگەر پرنت
ئه‌م جۆره‌ مۆبایله‌ به‌ ڕەنگانی : پەمەیی – سپی – گۆڵد ده‌ست ده‌که‌وێت.

باوه‌ڕ ئاماژه‌ی به‌وه‌شدا که‌ له‌ئێستادا ئه‌م ئامێره‌ له‌ ته‌واوی ئۆفیسه‌کانیان ده‌ستده‌که‌وێت له‌ ێه‌واوی کوردستانداو له‌ ماوه‌یه‌کی تردا ڕه‌وانه‌ی شاره‌کانی خواروی عێراق و وڵاتانی دراوسێ ده‌کرێت.