ئه‌مینداری رێكخراوی ئۆپیك رایده‌گه‌یه‌نێت له ساڵی ئاینده‌دا نرخی نه‌وت جێگیر بون به‌خۆیه‌وه ده‌بینێت.
عه‌بدوڵا به‌دری ئه‌مینداری گشتیی رێكخراوی وڵاتانی هه‌نارده‌كه‌ری نه‌وت ناسراو به ئۆپیك، له كۆنگره‌یەکی تایبەت بە نه‌وت و غاز له وڵاتی كوه‌یت رایگه‌یاند: ئه‌و بڕوای وایه له ساڵی (2016) بازاڕی نه‌وت هاوسه‌نگی به‌خۆیه‌وه ده‌بینێت، ئه‌وه‌ش به‌هۆی كه‌م بونه‌وه‌ی به‌رهه‌می وڵاتانی ده‌ره‌وه‌ی ئۆپیك و به‌رزبونه‌وه‌ی خواستی جیهانی.
به‌دری راشیگه‌یاند: له چه‌ند مانگی رابردودا تێبینی ئه‌وه ده‌كرێت کە به‌رهه‌می نه‌وتی وڵاتانی ده‌ره‌وه‌ی ئۆپیك كه‌می كردوه، له‌گه‌ڵ ئه‌وه‌شدا داواكاری له سه‌ر نه‌وت به‌رزبۆته‌وه.
Kurdish