بۆ زیاتر پتەوكردنی پەیوەندیە بازرگانیەكان و باشكردنی پەیوەندی نێوان بازرگانانی سلێمانی و هەمەدان پرۆتۆكۆڵێكی لێكتێگەشتن لەنێوان هەردوولادا واژۆكرا.
هەریەك لە سیروان محەمەد سەرۆكی ژووری بازرگانی و پیشەسازی سلێمانی و ڕەحمان نادی سەرۆكی ژووری هاوكاری هەمەدان پرۆتۆكۆڵی لێكتیگەشتنی نێوان هەردوولایان واژۆكرد كە تایبەتە بە پتەوكردنی پەیوەندیە بازرگانیەكان بەشێوەیەكی پێشكەوتوو.
لە پرۆتۆكۆڵەكەدا جەختكراوەتەوە كە پێویستە هەردوولا پەیوەستبن بە هاوكاریكردنی یەكتری بەجۆرێك لە كردنەوەی هەر پێشانگایەكدا یەكتری ئاگاداربكەنەوە و هەركێشەیەكی بازرگانان ڕوبدات لەپێش چونە دادگا لەڕیگەی هەردولاوە هەوڵی چارەسەركردنی بدرێت.
سیروان محەمەد سەرۆكی ژووری بازرگانی و پیشەسازی سلێمانی ئاماژەی بەوەدا واژۆكردنی ئەم پرۆتۆكۆڵە گرنگی خۆی دەبێت بۆكاری بازرگانی لەنێوان هەردولادا كە بەشێوەیە كی باش كاری لەسەر دەكەین و پەیوەست دەبین پێوەی.
Kurdish