ئاژانسێكی ئەمریكی ئاشكرایدەكات لەماوەی شەش مانگی رابردوودا سعودی نزیكی 50 بۆ 70 ملیار دۆلاری لەبازاڕەكانی جیهان كێشاوەتەوە.
ئاژانسی بلومبێرگی ئەمریكی بڵاوی كردەوە، حكومەتی سعودیە لە ماوەی شەش مانگی ڕابردوودا 50 بۆ 70 ملیار دۆلاری وەبەرهێنانی لە بازاڕەكانی جیهان كێشاوەتەوە.
بەپێی راپۆرتی ئاژانسەكە كێشانەوەی ئەو بڕە پارەیە بە هۆی كورتهێنانی بودجەی وڵاتەكەوە بوە كە بەهۆی دابەزینی نرخی نەوت ژمارەیەك وڵاتی هەناردەكاری نەوت لەناویشیاندا سعودیەی گرتەوە.
پێشتریش سندوقی نەختینەیی دراو پێشبینی كردبوو، لە ساڵی 2015 دا سعودیە ڕووبەڕووی كورتهێنانێكی گەورەی بودجە ببێتەوە و بگاتە 20 % داهاتی ناوخۆی ئەو وڵاتە، سەرباری دابەزینی نرخی نەوت شەڕی یەمەنیش كاریگەریی كردۆتە سەر زیادبوونی خەرجییەكانی سعودیە.
Kurdish