سەرۆكی كۆماری ئیسلامی ئێران رایدەگەیەنێت: لە ماوەی ساڵی رابردودا بە مەبەستی فشارخستنە سەر ئێران و روسیا، نرخی نەوت دابەزێنراوە.
لە میانەی كۆبونەوەیەكیدا حەسەن رۆحانی سەرۆكی كۆماری ئیسلامی ئێران باسی لە دابەزینی نرخی نەوت كردو رایگەیاند: لە ساڵی رابردودا، هەندێك لە وڵاتانی هەناردەكاری نەوت كە لەژێر كاریگەری وڵاتانی زلهێزدا، بە مەبەستی فشار خستنە سەر ئێران و روسیا، نرخی نەوتیان لە (110) دۆلارەوە بۆ (40) دۆلار دابەزاندوە.
رۆحانی وتیشی: سەپاندنی بڕیاری فرۆشتنی یەك ملیۆن بەرمیل نەوت بەسەر ئێراندا، نەك هەر فشاری ئابوری، بەڵكو گورزێك بوە لە سەرەوەری نیشتمانی ئێران.
Kurdish