وەزارەتی سامانە سرووشتییەكانی حكومەتی هەرێمی كوردستان، راپۆرتی مانگانەی هەناردەكردنی نەوتی بڵاوكردەوەو ئاشكرایكردوە لە مانگی تەمموزدا رۆژانە 516 هەزار و 745 بەرمیل نەوت هەناردەكراوە.
لە راپۆرتەكەی وەزارەتی سامانە سروشتیەكاندا هاتووە ” لە مانگی تەمموزی ئەمساڵدا، حكومەتی هەرێمی كوردستان 16 ملیۆن و 19 هەزار و 90 بەرمیل نەوتی هەناردە كردووە، كە دەكاتە رۆژانە 516 هەزار و 745 بەرمیل نەوت”.
بەپێی راپۆرتەكە، 12 ملیۆن و 20 هەزار و483 بەرمیل لەو كێڵگانەوە بووە كە لەلایەن حكومەتی هەرێمی كوردستانەوە بەڕێوە دەبرێن، سێ ملیۆن و 998 هەزار و407 بەرمیلیش لەو كێڵگانەوە بووە كەلەلایەن كۆمپانیای نەوتی باكوورەوە بەڕێوە دەبرێن.
راپۆرتەكەی وەزارەتی سامانە سرووشتییەكان ئەوەشی خستۆتە روو كە” نەوتی هەناردەكراوی هەرێمی كوردستان بەرەو بەندەری جەیهانی توركیا رۆیشتووە”
Kurdish