وەزارەتی گواستنەوە و گەیاندنی حكومەتی هەرێمی كوردستان رایدەگەیەنێت گرانكردنی كارت ئەو كۆمپانیایانەی گەیاندن ناگرێتەوە كە مۆڵەتیان لە هەرێمی كوردستان وەرگرتووە.
ئومێد محەمەد ساڵح، وتەبێژی وەزارەتی گواستنەوە و گەیاندن، رایگەیاند ” باج خستنەسەرو گرانكردنی كارتی مۆبایل و ئینتەرنێت بە پشت بەستن بە ماددەی ٣٣ لە یاسای بوودجەی فیدراڵی ساڵی (٢٠١٥) ی عێراق بووە.
وتەبێژی وەزارەتی گواستنەوە و گەیاندن ئاماژەی بەوەشكردووە ” بڕیارەكە تەنها ئەو كۆمپانیایانەی گەیاندن دەگرێتەوە كە مۆڵەتی كاركردنیان لە دەسەڵاتی فیدراڵی و دەستەی راگەیاندن و گەیاندنی عیراقی CMC وەرگرتووە.
ئاشكراشیكردوە “بڕیارەكە بە هیچ شێوەیەك ئەو كۆمپانیایانەی گەیاندن ناگرێتەوە كە مۆڵەتی كاركردنیان لە وەزارەتی گواستنەوەو گەیاندنی حكومەتی هەرێمی كوردستان وەرگرتووەو خزمەتگوزاری ئینتەرنێت و تەلەفۆنی نۆرماڵ و وایەرلێس پێشكەش دەكەن.
Kurdish