ئەندامێكی لیژنەی دارایی لە پەرلەمانی عێراق رایدەگەیەنێت بڕیارە هەفتەی داهاتوو حكومەتی ناوەندیی بڕی 300 ملیار دینار بۆ هەرێمی كوردستان بنێرێت.
حاكم سەرحان ئەحمەد، ئەندامی لیژنەی دارایی لە پەرلەمانی عێراق رایگەیاند ” دوای كۆتاییهاتنی پشووی جەژنی رەمەزان، حكومەتی عیراق نزیكەی 300 ملیار دینار بۆ هەرێمی كوردستان رەوانە دەكات.
حاكم سەرحان ئاماژەی بەوەشكرد ” ئەو پارەیەی بەغدا دەینێرێت لەبەرامبەر ئەو بڕە نەوتەیە كە هەرێم لە رێگەی كۆمپانیای سۆمۆوە هەناردەی كردووە.
ئەو ئەندامەی لیژنەی دارایی لە پەرلەمانی عێراق وتیشی: “بڕیارە رۆژی یەكشەممە سەرەتای هەفتەی داهاتوو ئەو بڕەپارەی بەغدا بگاتە هەرێمی كوردستان”.
Kurdish