قەبارەی ئاڵوگۆڕە بازرگانییەکانی نێوان میسر و روسیا بەشێوەیەکی بەرچاو زیادیکردووە .
وەزارەتی پیشەسازی و بازرگانی میسر لەراپۆرتێکدا ئاشکرایکرد، قەبارەی ئاڵوگۆڕە بازرگانییەکانی نێوان میسر و روسیا لەساڵی ٢٠١٤ گەیشتۆتە زیاتر ٥٥ ملیار دۆلار ئەمەش رێژەیەکی زۆرە بەبەراورد بە ساڵی ٢٠١٣ کە ٣ ملیار دۆلار بووە .
لە راپۆرتەکەی وەزارەتی پیشەسازی و بازرگانی میسردا ھاتووە ھەناردەکانی میسر بۆ روسیا لەساڵی ٢٠١٤ بەرێژە ٢٢% زیادیکردووە بەبەراورد لەگەڵ ساڵی ٢٠١٣ .
زیادبونی قەبارەی ئاڵوگۆرە بازرگانییەکانی میسر و روسیا بە رێژە زۆرە لەکاتێکدایە کە لەماوەی رابردوودا ھەریەک لە ” عبدول فەتاح سیسی” سەرۆکی میسر و “فلادمیر پۆتن”سەرۆکی روسیا بەڵێنیاندا پەیوەندییەکانیان لەبورای ئابوری بازرگانیدا بەھێزبکەن .
Kurdish