نرخی نەوتی خاو لەبازارەکانی جیھان بەرێژەی ٥% بەرزدەبێتەوەو دەگاتە سەرووی ئاستی ٦٥ دۆلار .
بەھۆی بەردەوامی کەمبوونەوەی بڕی نەوتی عەمباکراو لەئەمریکا لە ماوەی چوار ھەفتەی رابردووداو جێگیربوونی بەھای دۆلار و کەمبوونەوەی ئاستی بەرھەمھێنانی نەوتی لیتەیی لەکەنەدا بەرێژەی ١٠% ، نرخی یەک بەرمیل نەوتی خاوی برێنتی پێوانەیی ئەوروپا ٢ دۆلارو ٩٨ سەنت بەرزبۆوەو گەیشتە ٦٥ دۆلارو ٥٦ سەنت ، ھەروەھا نرخی یەک بەرمیل نەوتی خاوی سووکی ئەمریکا ، ٢ دۆلارو ٦٢ سەنت زیادیکردوو گەیشتە ٦٠ دۆلارو ٣٠ سەنت.
شارەزایانی کەرتی وزە پێیان وایە بەرزبوونەوەی نرخی نەوت کاتی دەبێت ، چونکە ئۆپێک بە نیاز نییە ھیچ بڕیارێک لەبارەی کەمکردنەوەی بەرھەمی رۆژانەی ئەندامەکانی بەدات و ئەگەری ئەوەش ھەیە جارێکی دیکە بەھای دۆلار بەرزببێتەوە ، بەمەش فشاری زیاتر دەکەوێتە سەر نرخی نەوت .
Kurdish