رێنمایی خۆپاراستن لە ئەنفلونزای باڵندە

بەدروشمی (هۆشیاربە تەندروستیت سەلامەت دەبێت) وەزارەتی تەندروستی هەڵمەتی هۆشیاری ئەنفلوەنزای باڵندە(H5N1) رادەگەینێت. 

 وەزارەتی تەندروستی حكومەتی هەرێمی كوردستان ، لەپێناو پاراستنی تەندروستی هاوڵاتیانی هەرێمی كوردستان و دوور بوونیان لەئەنفلوەنزای باڵندە(H5N1) هەڵمەتی هۆشیاری تەندروستی رادەگەینێت و چەند رێنمایەكی تایبەت دەردەكات، بەپێویستیشی دەزانیت هاوڵاتیان پابەندبن پێیەوە.

رێنمایی خۆپاراستن لە ئەنفلونزای باڵندە (H5N1)

1-سەردانی ئەو شوێنانە مەكە كە مریشك و پەلەوەری لێ بەخێو دەكرێت یان سەردەبڕدرێت.

2-دووركەوە لە ڕاوكردنی باڵندەی كێوی.

3-دووركەوە لە بازاڕەكانی فرۆشتنی مریشك و پەلەوەر و باڵندەی جوانی.

4-ئەو مریشك و پەلەوەرانەی لە دەرەوەی كێلگەكانی پەلەوەری  سەردەبڕێن و دەفرۆشرێن سەلامەت نین دووركەوە لێ یان.

5-لە ئێستادا كێڵگەكانی پەلەوەر و سەربڕخانەكانی پەلەوەر كە لە ژێر كۆنترۆڵی بەڕێوەبەرایەتیەكانی ڤێتەرنەری دایە و چاودێری دەكرێت سەلامەتن و دەتوانن بە كاری بهێنن.

6-پێش ئامادەكرنی مریشك و بەروبوومەكانی و هێلكە دەستەكانت بە ئاوو سابوون بۆ ماوەی (20) چركە جوان بشۆ .

7-بایەخ بە پاك و خاوێنی مەتبەخ بدە و كەرەستەكانی ئامادەكردنی خۆراك جوان بشۆرەوە دوای هەر بەكارهێنانێك .

8-دڵنیابە خۆراكەكەت بە باشی كوڵاوە .

9-بە كوڵاندنی مریشك و هێلكە بۆ پلەی گەرمی سەرووی (70)پلەی گەرمی سەلامەت دەبێت بۆ خواردن .

10-زوو زوو دەستت بە ئاوو سابوون جوان بشۆ .

11-هێلكەی خاو لەماڵەوە بەكارمەهێنە بۆ ئامادەكردنی ئەو خواردەمەنیانەی كە پلەی گەرمیان ناگاتە (70) پلەی سەدی وەك (مایۆنیز یان هێلكەی نیوە كوڵاو) 

12-بۆئەوانەی كێڵگەی پەلەوەریان هەیە یاشوێنی بەخێوكردنی باڵندە و پەلەوەریان هەیە پێویستە نەهێڵن مندڵ و كەسی بەتەمەن یان ژنی دووگیان لەوشوێنە نزیك ببێتەوە.