مەرزێكی دیكەی كوردستان دەكرێتە نێودەوڵەتی

وەزارەتی ناوخۆ و دەرەوەی عێراق رەزامەندی لە سەر بەنێودەوڵەتیكردنی مەرزی كێلێ‌ كە دەكەوێـتە نێوان هەرێمی كوردستان و ئێرانەوە دەدەن.

 

هۆشیار عەبدڵڵا، سەرۆكی فراكسیۆنی گۆڕان لە پەرلەمانی عێراق لەلێدوانێكیدا راگەیاند ” هەریەك لە وەزارەتی ناوخۆ و دەرەوەی عێراق رەزامەندیان دەربڕیوە لە سەر بەنێودەوڵەتیكردنی مەرزی كێلێ‌ لە نێوان هەرێمی كوردستان و كۆماری ئیسلامی ئێران”. هۆشیار عەبدڵڵا ئاماژەی بەوەشكرد “بە نێودەوڵەتیكردنی ئەو مەرزە كاریگەری باشی لە سەر بووژانەوەی ناوچەكە و گەشەی ئابووری و ئاڵوگۆڕی بازرگانی دەبێت.

 

سەرۆكی فراكسیۆنی گۆڕان لەپەرلەمانی عێراق وتیشی:” زۆربەی كارەكانی بە نێودەوڵەتیكردنی ئەو مەرزە تەواوبوونە و بە نووسراوی فەرمی داوا لە سەرجەم لایەنە پەیوەندیدارەكان كراوە كارەكانیان لەو پرسە رایی بكەن”.