وەزیری نەوتی سعودیە ئاشكرایكرد، وڵاتەكەی ژمارەیەكی پێوانەیی لەهەناردەكردنی نەوتی خاو تۆماركردووە.
عەلی نعێمی وەزیری نەوتی سعودیە رایگەیاند، لەمانگی ئازاری رابردوودا رۆژانە بڕی 10 ملیۆن و 300 هەزار بەرمیل نەوتی خاویان بەرهەم هێناوە كە ئەو رێژەیە لە 13 ساڵی رابردوودا بێ وێنەبووە.
ئاماژەی بەوەشكردووە، كە ئاستی بەرهەرمهێنانی نەوتی ئەو وڵاتە لەمانگی ئازار لەچاو مانگی شوباتدا، رۆژانە بڕی 500 هەزار بەرمیل زیادیكردووەو ئەمەش وای كردووە لەئێستادا حكومەتی ریاز رۆژانە بڕی 10 ملیۆن و 300 هەزار بەرمیل نەوت بۆ دەرەوەی وڵات هەناردە بكات.
بەرزكردنەوەی ئاستی بەرهەمهێنانی نەوت و هەناردەكردنی نەوتی سعودیە ناڕەزایی وڵاتانی ئەندامی رێكخراوی ئوپێكی لێكەوتۆتەوە.
ز.ر
Kurdish