كۆمپانیا بەرهەمهێنەرەكانی ئۆتۆمبێل لە ژاپۆن لەماوەی ساڵێكدا بەهۆی بونی كێشە تیایاندا زیاتر لە 9 ملیۆن ئۆتۆمبێلیان لەبازاڕەكان كشاندوەتەوە.
بەپێی ئامارێك دەركەوتوە لەماوەی ساڵی رابردودا كۆمپانیا بەرهەمهێنەرەكانی ئۆتۆمبێلی ژاپۆن 9 ملیۆن و 550 هەزار ئۆتۆمبێلیان لەبازاڕەكانی جیهان كشاندوەتەوە.
بەپێی زانیارییەكانیش زۆرینەی ئەو ئۆتۆمبیلانەی كشێنراونەتەوە كێشە لە سیستمی ئێرباگەكەیاندا هەبوە.
جێی ئاماژەیە ئەمە گەورەترین ژمارەی كشاندنەوەی ئۆتۆمبێلی ژاپۆنیە لەدوای ساڵی 1969، بە ئاستێك ژمارەی پێوانەیی نوێی تۆماركرد و پێش ئامارەكانی 2013 كەوت، كە ئەو ساڵە تیایدا ژاپۆن 7.98 ملیۆن ئۆتۆمبێلی لەبازاڕەكان كشاندەوە.
Kurdish