بەهۆی چاودێریكردنی لیژنەكانەوە، سەرپێچیەكان كەمیان كردوە

بە پێی راپۆرتی لیژنەی نانەواخانەو فرنەكانی سەربە لیژنە هاوبەشەكانی قائیمقامییەتی سلێمانی، لە ماوەی 3 مانگی رابردوودا سەردانكردن و چاودێریكردنی نانەواخانەو فرنەكانی شاری سلێمانی زیادی كردووە و ئەمەش بۆتەهۆی كەمكردنەوەی سەرپێچییەكان.
لە راپۆرتی لیژنەكەدا هاتووە لەم ساڵدا لە بەرواری 1/1 تاوەكو 15/4/2015 سەردانی 745  شوێنیان كردووە 71 نانەوا پاش ئاگاداركردنەوە پسوڵەی سەرپێچیان بۆ كراوە و 7 شوێنیش بەهۆی پابەندنەبونەوە داخراون.
دیار كەمال سەرۆكی لیژنەی نانەواو فرنەكان رایگەیاند: لیژنەكەیان بەردەوام بەدواداچوون بۆ نانەواو فرنەكانی شاری سلێمانی دەكات و  لە نزیكەوە چاودێریان دەكرێت،  لەمساڵدا بەهۆی نەبوونی مەرجی تەندروستیەوە دەستگیراوە بەسەر 1500 سینی سەموونی خراپ بو و 88 كارتۆنی نانی جۆی ماوەبەسەرچوو، لەگەڵ 42 تۆن ئارد كە بەشێوەیەكی نایاسای باركرابوون.
سەرۆكی لیژنەكەش ئاماژەی بۆ ئەوەشكرد “كارئاسانی تەواویان پێشكەش ئەكەین لە دابینكردنی ئەو بڕە سوتەمەنییەی كە لە بەرێوەبەرایەتی دابەشكردنی بەرهەمە نەوتییەكانەوە دابەش دەكرێت.
سەرۆكی لیژنەكە ئاشكراشیكرد” لەماوەی رابردودا بەهۆی هەبوونی فڕنی وەهمی یاخود ئیش نەكردنەوە بری 30 هەزار لیتر گاز و 22 هەزار لیتر نەوت گەرێنراوەتەوە بۆ بەرێوەبەرایەتی دابەشكردنی بەرهەمە نەوتییەكان.