بەردەوام بەدواچوون بۆ كارگە و پرۆژە پیشەسازییەكان دەكرێت

لیژنەی بەدواچوون و پاراستنی ژینگەیی لە 1/1 بۆ 15/3 /2015 سەردانی 115 كارگە و پرۆژەی پیشەسازی پارێزگای سلێمانی كردوە و3 شوێنیشی غرامە كراوە.

 

مستەفا حەمە فازڵ سەرۆكی لیژنەكە و نوێنەری بەرێوەبەرایەتی گشتی ژینگەی سلێمانی دەربارەی ئیش و كاری لیژنەی ژینگە ڕایگەیاند “ڕۆژانە سەردانی كارگە و پرۆژە پیشەسازییەكانی سنوری پارێزگای سلێمانی دەكەن، بەمەبەستی پێدانی زانیاری و ئاگاداركردنەوەیان لە بوونی كەموكورتی بۆ جێبەجێ‌ كردنی ڕێنماییە ژینگییەكان ئەویش بەدانانی فلتەر و چارەسەركردنی پاشماوەی كارگەكان بە شێوەیەكی زانستی و دروستكردنی ڕووبەری سەوزایی.

 

مستەفا حەمە فازڵ ووتیشی “بەردەوام لیژنەكەمان بەدواداچوون بۆ كارگە و پرۆژەكان دەكەن لە بەرواری 1/1 بۆ 15/3 /2015 سەردانی 115 شوێنیان كردوە و بەهۆی نەبوونی مەرجی ژینگەیش 3 كارگە پسوڵەی سەرپێچی بۆ كراوە .