لەو لیستەی ئەو گۆڤارە بڵاویكردوەتەوە چل و پێنج سەرمایەداری عەرەب یان بە رەچەڵەك عەرەب هەن كە سەر بە 11 وڵاتی عەرەبین، ئەوانیش 10 سعودی و 9 لوبنانی و 8 میسری و 5 كوەیتی و 4 ئیماراتی و 3 مەغریبی و 2 سوری و جەزائیرییەك و عومانییەك و سودانییەك و ئوردونییەكن، كە كۆی سامانیان پێكەوە، 223 ملیار و 200 ملیۆن دۆلارە و تەنیا 10 كەسیان خاوەنی 158 ملیارو 300 ملیۆن دۆلارن.
1. كارلۆس سەلیم، مەكسییكییەكی به رەگەز لوبنانییە. دووەم دەوڵەمەندترین كەسە لە جیهاندا و سامانەكەی دەگاتە 77 ملیار و 100 ملیۆن دۆلار.
2. وەلید بن تەڵاڵ، یەكێكە لە شازادەكانی سعودیە. لەسەر ئاستی جیهان پلەی 34ەمی گرتووه و سامانەكەی 22 ملیارو 600 ملیۆن دۆلارە.
3. جۆزێف سەفرا، بەرازیلییەكی بە رەچەڵەك لوبنانییە. لەسەر ئاستی جیهان پلەی 52ی گرتووه و سامانەكەی 17 ملیارو 300 ملیۆنە.
4. محەمەد حسێن عەمەوی، هاوڵاتییەكی سعودییه و لەسەر ئاستی جیهان پلەی 116ی گرتووه و سامانەكەی 10 ملیارو 800 ملیۆن دۆلارە.
5. عەبدوڵڵا بن ئەحمەد ئەلغەریر، هاوڵاتییەكی ئیماراتییە. سامانەكەی شەش ملیار و 400 ملیۆن دۆلارە.
6. نوسەیف ساوێرس، هاوڵاتییەكی میسرییە و پلەی 225 لەسەر ئاستی جیهان گرتووە. سامانەكەی شەش ملیارو 300 ملیۆن دۆلارە.
7. ماجد ئەلفەتیم، هاوڵاتییەكی ئیماراتییه و پلەكەی لەسەر ئاستی جیهان 230یە. سامانەكەی شەش ملیار و 200 ملیۆن دۆلارە.
8. سوڵتان بن محەمەد بن سعود ئەلكەبیر ئال سعود، یەكێكە له شازادەكانی سعودیه و پلەكەی لەسەر ئاستی جیهان 405ە. سامانەكەی چوار ملیارو 100 ملیۆن دۆلارە.
9. محەمەد مەنسور، میسرییە و پلەكەی لەسەر ئاستی جیهان 418 یە و سامانەكەی چوار ملیارە.
10. محەمەد ئیبراهیم عیسا، پلەكەی 497ە لەسەر ئاستی جیهان و سامانەكەی سێ ملیار و 500 ملیۆن دۆلارە.
Kurdish