“هیچ جوڵەیەكی بازرگانی لەنێوان هەرێم و ناوچەكانی داعشدا نیە”

ئەندامێكی ژووری بازرگانی و پیشەسازی سلێمانی رایدەگەیەنێـت: لەئێستادا هیچ جوڵەیەكی بازرگانی لەنێوان هەرێمی كوردستان و ناوچەكانی داعشدا نیە.

 

بورهان عەلی عەبدوڵا ئەندامی ژووری بازرگانی و پیشەسازی سلێمانی لەلێدوانێكیدا رایگەیاند: لەدوای ئەوەی داعش دەستی بەسەر شاری موسڵ و چەند ناوچەیەكی تری عێراقدا گرت، لەنێوان هەرێم و ئەو ناوچانەدا هیچ جوڵەیەكی بازرگانی نەبوە.

 

بورهان عەلی ئاماژەی بەوەشكرد: ناوچەكانی ژێر دەستی داعش زیاتر بازرگانی لەگەڵ توركیا دەكەن.

 

بەوتەی ئەو ئەندامەی ژوری بازرگانی و پیشەسازی سلێمانی: لەئێستادا بازرگانەكانی توركیا زۆرترین ئاڵوگۆڕی بازرگانی لەگەڵ شاری موسڵ و ناوچەكانی تری ژێر دەسەڵاتی داعشدا دەكەن.