ئاوی بەنداوی دەربەندیخان بەراورد بەساڵی رابردوو كەمی كردووە

بەرێوەبەری بەنداوی دەربەندیخان: ئەوەی بەپێویستی دەزانم بوترێت ئەوەیە كە هەرەشەكانی داهاتوو لەسەر سەرچاوەكانی ئاوی هەرێم تەنها كەمیەتی ئاو نییە، مەترسی گەورە گرفتە ژینگەییەكان‌و خراپبوونی جۆری ئاوە، كە بەنداوی دەربەندیخان لەماوەی جەنگی عێراق ئێرانەوەو بەتایبەت لەكیمیابارانی هەڵەبجەوە لە 1988و دەریاچەكە سەنگەری پێشەوەی شەڕەكە بووەو تەواوی ئەو تۆپ‌و مین‌و بۆمب‌و تەقەمەنییانەی بەكارهێنراون لافاو بەرەو ناو دەریاچەكەی راماڵیون، ئێستاش هەر لەشاری سلێمانییەوە تا شارو شارۆچكەكانی ناوچەی شارەزوورو كەناری چەمی تانجەرۆ، هەرچی پاشەڕۆی پیشەسازی، ،شارەوانی، تەندروستی، كشتوكاڵی، پاڵاوگەكانی بەرهەمە نەوتییەكان، مەوادی ئێكسپایەر، زبڵخانەكان لەگەڵ لافاودا بۆ ناو دەریاچەی دەربەندیخان بەبێ‌ چارەسەرو فلتەری زانستیانەی ئەو پاشەڕۆیانە دەرژێنە ناو دەریاچەكەوە، ئەمەش گەورەترین هەڕەشەیە لەئاسایشی ئاوی هەرێم كە لەچەم‌و رووبارەكانی تریش هەمان كێشە بوونی هەیە.