کۆمپانیای ئەپڵ سەنتەرێکی زانیاری لە ئەوروپا دروستدەکات و ئەو پرۆژەیە بەتەواوەتی لەڕێی وزەی نوێیەوە دەبێت. پێشبینیکراوە تێچووی ئەو پرۆژەیە 1.9 ملیار دۆلار لەخۆبگرێت.
بەپێی راگەیەندراوێكی کۆمپانیای ئەپڵ، ئەو ناوەندی زانیارییە لە ئێرلەندا دادەمەزرێت و یارمەتی خزمەتگوزارییەکانی ئەو کۆمپانیایە دەدات وەک ئەپل ستۆر و ئای تۆن بۆ ئەوەی خێراتربکرێن.
ئەپڵ راشیگەیاندووە کە ئەو وەبەرهێنانە بە یەکسان لە هەردوو وڵاتی ئەمریکا و ئێرلەندا دابەشدەکرێت.
تیم کووک، بەڕێوەبەری جێبەجێکاری کۆمپانیای ئەپڵ دەڵێت، ئەو پرۆژەیە گەورەترین پرۆژەی کۆمپانیاکەیە لە ئەورووپا و هەلێکی کاری زۆریش لەو کیشوەرە دەرەخسێنێت، هاوکات بە داهێنانێکی گەورەش هەژماردەکرێت لەبەرئەوەی بە وزەی نوێ بەکاردەخرێت.
Kurdish