لە پێنجەم خولی بۆرسەی ئەم هەفتەیەدا نرخی نەوتی برێنت رووی لە بەرزبوونەوە كردو گەیشتە ئاستەكانی 60.36$ و نەوتی خاوی تێكساسیش 51.98$ تۆماركرد بۆ هەر بەرمیلێك.
دابەزینی نرخی نەوت لە ساڵی 2014دا زیانێكی گەورەی بە كۆمپانیاكانی نەوت گەیاند. كۆمپانیای تۆتاڵی فەڕەنسی لەكاتی ئاشكراكردنی ئاستی داهاتی خۆی بۆ چارەگی چوارەمی ساڵی 2014، رایگەیاند كە كۆمپانیاكەیان بە بڕی 5 ملیارو 660 ملیۆن دۆلاری زیانی پێگەیشتووە. هەروەها كۆمپانیاكە رایگەیاند ئەگەر نرخی یەك بەرمیل نەوت بگەڕێتەوە 70$ ئەوا كۆمپانیاكەیان لەو قەیرانەی رووبەڕووی بووەتەوە رزگاری دەبێت.
سەبارەت بە نرخی زێڕیش بەهۆی دابەزینی بەهای دۆلاری ئەمریكی لە بازاڕەكانی جیهاندا نرخی زێڕ رووی لە بەرزبوونەوە كردو گەیشتە ئاستەكانی 1225.23$ بۆ هەر ئۆنسێك.
Kurdish