نرخی نەوت لەبازاڕەکانی جیھان بەڕێژەی ٨% بەرزبوونەوەی بەخۆیەوە بینیوە.
کۆمپانیای نەوتی” بەیکیر ھیوز “ی ئەمریکی لە ڕاپۆرتێکدا ئاشکرایکرد: تەنیا لە ھەفتەی ڕابردوودا ٧%ی کۆی گشتی سەکۆ نەوتییەکان لەئەمریکا ڕاوەستاون و ئاستی بەرھەمھێنانیان کەمبۆتەوە.
لەڕاپۆرتەکەی کۆمپانیای نەوتی “بەیکیر ھیوز “ی ئەمریکیدا ھاتووە: بەھۆی کەمبونەوەی چالاکییەکانی بەرھەمھێنانی نەوتی بەردین لە ئەمریکا و وەستانی بەرھەمھێنانی ھەندێک لەسەکۆ نەوتییەکانی واشنتۆن نرخی نەوت لەبازاڕکانی جیھان بەڕیژەی ٨% بەرزبۆتەوە، بە جۆرێک نرخی نەوتی خاوی برنت بۆ ٥٣ دۆلار بەرزبۆوەو نرخی نەوتی ئەمریکاش بۆ٤٨ دۆلارو ٢٤ سەنت بەرزبوونەوەی بە خۆیەوە بینی.
Kurdish