نرخی نەوت بەرزبووەوە

بەهۆی زۆربوونی كڕینی گرێبەستە دوواخراوەكانی نەوتی خاو لەبازاڕە جیهانییەكان، بەهای نەوت لەبۆڕسە جیهانییەكان بەرزبوونەوەی تۆماركرد.

لەدوایین مامەڵەی بازرگانیش نەوتی خاوی برێنت لەكاژێر 10:23 شەو بەكاتی كوردستان نرخی یەك بەرمیل بەرێژەی سەدا 2.14 بەرزبوونەوەی تۆماركردو بەهاكەشی گەیشتە 60.14 دۆلاری ئەمەریكی.

ئەو گرێبەستە دوواخراوانەش كە بڕیارە مانگی ئادار رادەستی كڕیاران بكرێت بەهۆی زۆربوونی داواكارییەكان‌ و لاوازی بوژانەوەی ئابووری جیهانی بەتایبەت چین، بەهای ئەو نەوتە جارێكی دیكە نرخەكانی پاشەكشێی دەكاتەوە.

لەكاژێر 10:57 خولەكی شەو بەكاتی هەولێر، بەهای نەوت 0.54 پاشەكشێی كردو نرخی یەك بەرمیل نەوتی برێنت بۆ 59.23 دابەزی.

پێشبینیدەكرێت دوای لێدوانە ئیجابییەكانی رێكخراوی ئۆپێك بەهای نەوت جارێكی دیكە بەرزبوونەوە تۆمار بكات‌و بگاتە ئاستەكانی 60 دۆلار بۆ هەر بەرمیلێك.

لەماوەی رابردووش وەزیری نەوتی عێراق، دووپاتیكردەوە كەنرخی نەوت چیدی بەرەو دابەزین ناچێت.