ئێران : نرخی نەوت مەترسی لەسەر بەرهەمهێنانمان دروستناكات

ئه‌و لێدوانانه‌ی‌ وه‌زیری نه‌وتی ئێران له‌ كاتێكدایه‌، كه‌ بودجه‌ی ساڵی داهاتووی ئێران به‌ وته‌ی وه‌زیری نه‌وت له‌ سه‌ر بنه‌مای نرخی‌ 72 دۆلار بۆ به‌رمیلێك نه‌وت، خه‌مڵێندراوه‌. 

وێڕای ئه‌وه‌ی نرخی به‌نزین له‌ زۆربه‌ی وڵاتانی جیهان به‌ هۆی دابه‌زینی نرخی نه‌وت له‌ دابه‌زیندایه‌، به‌ڵام بیژه‌ن زه‌نگه‌نه‌، رایگه‌یاند، بۆ به‌رزكردنه‌وه‌ی نرخی به‌نزین له‌ ساڵی داهاتوودا هیچ پلانێكیان نییه‌. 

وه‌زیری نه‌وتی ئێران وتیشی‌: بۆ باشتربوونی نرخی نه‌وت، ده‌یانه‌وێت هاوكارییه‌كی هاوبه‌ش له‌ نێوان ئه‌ندامانی ئۆپێك دروست ببێت، به‌ڵام بۆ ئۆپێك هیچ هێڵێكی سوور له‌سه‌ر نرخی نه‌وت نییه‌. 

له‌ ماوه‌ی 2 مانگی رابردوودا نرخی نه‌وت به‌ شێوه‌یه‌كی به‌رچاو دابه‌زیوه‌ و ئێستاش نرخی نه‌وت له‌ بازاڕه‌كانی جیهان له‌ نێوان كه‌متر له‌ 50 دۆلاره‌.